សេវារូបិយប័ណ្ណអេឡិចត្រូនិច អ៉ីអន វ៉លឡេត
ធនាគារឯកទេស អ៉ីអន (ខេមបូឌា) ភីអិលស៊ី ហៅថា “អ៉ីអន” បានណែនាំកម្មវិធីលើទូរស័ព្ទស្មាតហ្វូន ដែលមានឈ្មោះថា “អ៉ីអន វ៉លឡេត ខេមបូឌា” ដែលមានសេវាទូទាត់សងប្រាក់ដោយប្រើ QR Code និងមានមុខងារផ្ទេរប្រាក់នានា ចាប់ពីថ្ងៃទី២៦ ខែមេសា ឆ្នាំ២០១៨។ អ៉ីអន បានចាប់ផ្តើមសេវារូបិយប័ណ្ណអេឡិចត្រូនិច (បង់ប្រាក់ជាមុន) នៅក្នុងទីផ្សារកម្ពុជា ដោយប្រើប្រាស់រូបិយប័ណ្ណក្នុងស្រុក។
អ៉ីអន ត្រូវបានបង្កើតឡើងក្នុងប្រទេសកម្ពុជាក្រោមទំរងជាក្រុមហ៊ុនបុត្រសម័្ពន្ធមួយនាខែតុលា ឆ្នាំ២០១១ និងបានអភិវឌ្ឍន៍អាជីវកម្មរបស់ខ្លួនសម្រាប់អតិថិជនលើសេវាបង់រំលស់ ដូចជាទូរទស្សន៍ និងទូរស័ព្ទដៃ រួមទាំងឥណទានបុគ្គលខ្នាតតូចផងដែរ។ នៅខែតុលា ឆ្នាំ២០១៥ អ៉ីអន ទទួលបានអាជ្ញាប័ណ្ណធ្វើប្រតិបត្តិការជាធនាគារឯកទេស ពីធនាគារជាតិនៃកម្ពុជា ក្នុងនាមជាក្រុមហ៊ុនបុត្រសម័្ពន្ធរបស់ប្រទេសជប៉ុនទី១ ដែលបានធ្វើអាជីវកម្មលើវិស័យហិរញ្ញវត្ថុនៅប្រទេសកម្ពុជា។ អ៉ីអន បាននឹងកំពុងខិតខំប្រឹងប្រែងដើម្បីលើកកំពស់សេវាហិរញ្ញវត្ថុសម្រាប់បង្កើនជីវភាពរស់នៅប្រចាំថ្ងៃរបស់អតិថិជន។
តាមរយៈការដាក់ឲ្យដំណើរការសេវារូបិយប័ណ្ណអេឡិចត្រូនិចនេះ អ៉ីអន មានគោលបំណងដើម្បីធ្វើឲ្យប្រសើរឡើងនូវសេវាកម្ម និងដើម្បីផ្តល់ជូននូវអត្ថប្រយោជន៍ដែលមានកំរិតខ្ពស់ ដោយអនុញ្ញាតិឲ្យប្រជាជនធ្វើការទូទាត់សងប្រាក់ និងផ្ទេរប្រាក់ដោយមិនប្រើប្រាស់សាច់ប្រាក់ ឬ ប័ណ្ណ។ អ៉ីអន រងចាំដោះស្រាយនូវរាល់បញ្ហាលំបាកនានាដោយកាន់ក្រដាស់ប្រាក់ និង កាក់រៀលខ្មែរ ក្នុងបរិមាណច្រើន។
ជាមួយ “អ៉ីអន វ៉លឡេត ខេមបូឌា” អតិថិជន អាចធ្វើការបញ្ចូលប្រាក់ទៅក្នុងគណនីរបស់ខ្លួនជាមុន ជាប្រាក់ដុល្លារអាមេរិក ឬ ប្រាក់រៀលខ្មែរ និងប្រើប្រាស់រូបិយប័ណ្ណអេឡិចត្រូនិចដើម្បីទិញទំនិញនៅតាមបណ្តាផ្សារទំនើបអ៉ីអនម៉ល ឬ អាចធ្វើការបង់ថ្លៃសេវាដឹកជញ្ជូនសាធារណៈផ្សេងៗនាពេលអនាគត។ កម្មវិធីនេះ អាចឲ្យអថិតិជនជាអ្នកប្រើប្រាស់ធ្វើការពិនិត្យសមតុល្យនៃគណនីរបស់ខ្លួន ឬ ធ្វើការពិនិត្យរបាយការណ៍នៃប្រតិបត្តិការមុនៗរបស់ខ្លួនផងដែរ។ អតិថិជន ជាអ្នកប្រើប្រាស់ដែលបានភ្ជាប់កម្មវិធីខាងលើ ក៏អាចធ្វើការផ្ទេរប្រាក់អេឡិចត្រូនិច ទៅកាន់អតិថិជនជាអ្នកប្រើប្រាស់ដទៃទៀតផងដែរ។ អ៉ីអន បានព្យាយាមពង្រើកដែនសេវារបស់ខ្លួន និងផ្តល់ជូននូវអត្ថប្រយោជន៍ផ្សេងៗទៀតជូនអតិថិជន។
ជាមួយការប្រើប្រាស់យ៉ាងទូលំទូលាយនៃប្រាក់ដុល្លារអាមេរិក ធនាគារជាតិនៃកម្ពុជាបាននឹងកំពុងធ្វើយុទ្ធនាការផ្សព្វផ្សាយលើកកំពស់ការប្រើប្រាស់ប្រាក់រៀលខ្មែរ។ តាមរយៈចក្ខុវិស័យនៃគោលនយោបាយរបស់ខ្លួន ធនាគារជាតិនៃកម្ពុជា បានអនុវត្តនូវវិធានការមួយចំនួន ដូចជាការដាក់កាតព្វកិច្ចរូបិយប័ណ្ណដោយតម្រូវឲ្យបិទផ្លាកតម្លៃជាប្រាក់រៀលខ្មែរលើទំនិញនានាក្នុងទីផ្សារ និងការផ្សព្វផ្សាយឲ្យគ្រឹះស្ថានធនាគារ និងហិរញ្ញវត្ថុឲ្យមានយ៉ាងហោចណាស់ ១០% នៃសមតុល្យឥណទានសរុបរបស់ខ្លួនជាប្រាក់រៀល ត្រឹមចុងឆ្នាំ២០១៩។ អ៉ីអន មានបំណងអភិវឌ្ឍន៍សហគមន៍មូលដ្ឋាន និងពង្រឹងការប្រើប្រាស់ប្រាក់រៀលខ្មែរយ៉ាងទូលំទូលាយ តាមរយៈការនាំមកនូវសេវារូបិយប័ណ្ណអេឡិចត្រូនិច (បង់ប្រាក់ជាមុន) របស់ខ្លួន។
កម្មវិធី “អ៉ីអន វ៉លឡេត ខេមបូឌា”
ក្រុមហ៊ុន Fujitsu Limited and Rosebay Consulting Pvt. Ltd. និង ក្រុមហ៊ុន Swift Technology Pvt. Ltd. (STPL)