ដំណើរកំសាន្តទៅប្រទេសជប៉ុនរបស់អ្នកឈ្នះរង្វាន់ពី អ៉ីអន ម៉ាយក្រូហ្វាយនែន
អ៉ីអនម៉ាយក្រូហ្វាយនែន បានរៀបចំកម្មវិធីពិសេសដែលពុំធ្លាប់មានពីមុនមក ក្នុងការផ្តល់សំណាងជូនអតិថិជនចំនួន ១០រូប ក្នុងការឈ្នះរង្វាន់នៃការធ្វើដំណើរកម្សាន្តដ៍អស្ចារ្យទៅកាន់ប្រទេសជប៉ុន រយៈពេល៥ថ្ងៃ ដែលប្រព្រឹត្តទៅនៅថ្ងៃទី១៧ ដល់ថ្ងៃទី២១ ខែតុលា ឆ្នាំ២០១៣។ នៅក្នុងដំណើរកម្សាន្តនេះ អតិថិជនទាំងអស់បានទទួលនូវភាពរីករាយជាមួយសេវានៃការយកចិត្តទុកដាក់ និងការទទួលខុសត្រូវខ្ពស់ពីអ៉ីអនម៉ាយក្រូហ្វាយនែន ដោយធ្វើការផ្តល់ជូននូវលិខិតឆ្លងដែន ទិដ្ឋាការ ការហូបចុក ស្នាក់នៅ និងបដិសណ្ឋារកិច្ចផ្សេងៗ តាំងពីពេលចេញដំណើរពីព្រលានយន្តហោះអន្តរជាតិភ្នំពេញ ដល់ព្រលានយន្តហោះ Narita International Airport និងត្រឡប់មកព្រះជាណាចក្រកម្ពុជាវិញ។ នៅក្នុងដំណើរកម្សាន្តនេះផងដែរអតិថិជន បានធ្វើការទស្សនាក្នុងទីក្រុងតូក្យូ, ព្រះបរមរាជវាំងរបស់ព្រះចៅអធិរាជ, ព្រះវិហារបុរាណជប៉ុន (Asakusa), តូក្យូស្កាយទ្រី (Tokyo Sky Tree) ដែលជាអាគារខ្ពស់លំដាប់ថ្នាក់លេខ៤របស់ពិភពលោក, តំបន់ Akihabara (តំបន់លក់គ្រឿង អេឡិចត្រូនិច), ឌីស្នីយឡែន (Tokyo Disney Land), និងទស្សនាផ្សារទំនើបរបស់អ៉ីអន (AEON Mall Narita) ដែលនៅក្បែរព្រលានយន្តហោះអន្តរជាតិណារីតា (Narita International Airport)។